محشى البطاطس باللحمة المفرومة

بواسطة الميديا توداي بتاريخ الخميس، 12 سبتمبر 2013 | 7:58 م


محشى البطاطس باللحمة المفرومة


المقادير

كيلو من البطاطس المتوسطه الحجم ياريت تبقى مستطيله شوية
نصف كيلو لحم مفروم
2 بصلة مفرومة
2 فص ثوم
2 ملعقة صلصة طماطم
حبتين طماطم مقطعة مكعبات صغيره
ملح فلفل اسود بهارات شطة


الطريقة

نبدء بتقشير البطاطس وحفرها بحيت نترك الجوانب بسمك 2 سم ((( خلي بالك هنحفرها من حته واحده مش حتتين واحفري بالراحه مش كانك بتدخلي صاروخ وخلي بالك انك بنوته رقيقه )))و نقلى البطاطس فى زيت لحد لونها ما يكون دهبي فاتح يعنى مش نسيبها تتحرق وتقفي تلعبي في شعرك ولا تتفرجي على المسلسل بس تدبل من الزيت ونضعها على فوط مطبخ علشان الزيت..في حله تانيه نضع البصل المفروم يتشوح ونحركه حتى يصبح شفاف (الى تحب تضيف ملعقتين زيت براحتها ) انا افضل الطبخ بدون دهون لأن اللحم فيه ما يكفى من الدهون واحنا مش ناقصين دهون كفايه هاااه 
ثم نضيف الثوم المفروم وبعده اللحم ونحرك مع اضافه البهارات والفلفل والملح
نغطى اللحم حتى يتشرب من السؤائل الى يفرزه اللحم
ثم اضيف اليه مكعبات الطماطم مع الصلصه والشطه ونتركها تستوى 10 دقايق حتى تجف كل السوائل من اللحمه
بعدها نحشى حبات البطاطس بخليط اللحم المفروم براحه خالص اوك

فى صنيه الفرن نضع ملعقتين زيت + بصله جوانج تتشوح ثم نضيف اليها قلب البطاطس تتقلب شوية ثم نضع لها الملح ونرص فوقها حبات البطاطس المحشيه وندخلها ربع ساعه الفرن وتقدم مع رز ابيض ربع ساعه بس مش لما تتحرق


0 التعليقات:

إرسال تعليق